MEDO KG/SAS logo
  • Sorvisc de idraulica y de spanglaria

    Sorvisc de idraulica y de spanglaria

    Profescionisć cualificá dal 1954
  • Le scialdamënt plü efiziënt

    Le scialdamënt plü efiziënt

    Implanc termosanitars dla miú cualité
  • Assistënza y manutenziun

    Assistënza y manutenziun

    Dlungia ince do l’istalaziun
  • Imaja: implanc sanitars

  • Imaja: implanc sanitars

Bëgngnü

Medo KG/SAS ti pita a privac, hotí, restoranc y aziëndes na linia completa de sorvisc de idraulica y spanglaria. Nosc team de tecnics cualificá proietëia, istalëia y colaudëia implanc termosanitars por le scialdamënt de lercs de dötes les dimenjiuns, anuzan les tecniches plü de avanguardia dl momënt. I se fistidiun de döt ci che reverda l’estetica y la funzionalité dles istalaziuns, cun n’atenziun particolara ai sistems de racoiüda dl’ega dla plöia, ales curides de banda, ram, inox, uginox, stagn y zinch, ala realisaziun de clandri y balcuns de aciá inox y ala fornidöra di sanitars dles mius marches.

La pasciun por nosc laur nes á daidé da crësce y deventé n partner sigü por che che á debojëgn de n aiüt tl ambit dl’idraulica y dla spanglaria. I un n team de spezialisć al’altëza da afronté vigni proiet te tëmps asvelc y tl respet dles esigënzes de vignun. Por nos de Medo é n cliënt contënt la plü gran sodesfaziun. Chësc é n obietif che i arjunjun de por de dilan ala formaziun costanta y a n gran impëgn. I se fistidiun dla manutenziun y dl’assistënza ince do l’istalaziun, ci che caraterisëia nosta dita sciöche punt de referimënt sön chël che an pó se lascé por controi de routine y barat de toc, ince ciamó do agn. Chir la profescionalité: afidëiete a Medo!
Li deplü...

Idraulich

Tl ciamp dl‘idraulica se desfarenziëia la dita Medo de Al Plan de Mareo por la proietaziun y realisaziun de implanc termosanitars complec, da n design atual y cun na prestaziun de ultima generaziun. I fajun nüsc intervënc sides sön cantiers de fabricac nüs sides te infrastrotöres y locai che vëgn restrotorá, cun propostes de sistems tradizionai y a regeneraziun, ince en combinaziun cun implanc por l‘ega cialda cun energia renovabla. Pro les istalaziuns di sanitars él dales spines, ai azessurs a döt le nezesciar por arjigné ite le bagn danü o por le renové a n cost bas y tl respet dles normatives de segurëza y di materiai y di standarg energetics. I laurun cun implanc de scialdamënt a funz, a parëi o a plafonn, alternatives modernes por arjunje n livel alt de comfort sides te ciasa co t’ofize, te botëga o te lercs daite en general. Gní da nos ó dí evité spaterlamënc, arbassé i cosć de consum y aumenté le valur dl’infrastrotöra, dilan a n scialdamënt y a implanc sigüsc y garantis.

Tlomper

Te nüsc sorvisc de spanglaria adorunse materies prömes stersces y leghes de metal resistëntes ai rais UV y ai agënc atmosferics. Nëi, dlacia, plöia y sorëdl sterch ne n’é mai n problem por i laurs dla dita Medo: cornijuns, curidöres, clandri, sales de tët y tröc d’atri elemënc fac sön mosöra por fabricac residenziai, comerziai o industriai. Sciöche pro i laurs de idraulica fistidiunse ince pro i laurs de spanglaria de dötes les fases, dal’ispeziun, ala proietaziun y chirida di materiai cina al’istalaziun. La flessibilité é öna de nostes carateristiches plü stersces. I colaborun cun privac y aziëndes, aladô di bojëgns de vignun, tignin ite i tëmps de realisaziun fac fora, ince te caji urgënc. Chësc impëgn realisunse cun sveltëza y discreziun. La bona conescënza dles normes dla contrada y dl’urbanistica, dles poscibilités de sparagn energetich y di atri aspec che reverda i laurs, nes dëida da ciafé la dërta strategia y da fá intervënc puntuai. Medo KG/SAS ó dí competënza, trasparënza y prezijiun. I sun chiló por te daidé ciafé le sistem y l’implant por tü bojëgns. Chir la flessibilité: afidëiete a Medo!

Nosta dita

Dal 1954 inant laora la dita Medo tl ciamp dla termoidraulica y dla spanglaria cun desënes de soluziuns de avanguardia por valorisé fabricac pici, mesans y gragn. Te plü de 50 agn de ativité s’á nosta dita de familia afermé te Mareo y tla provinzia de Balsan sciöche punt de referimënt afidabl y cualifiché, bun da garantí la miú cualité al dër prisc. Aldedaincö vëgn la dita Medo menada da Manfred Kastlunger, dala fomena Gabriella y dal möt Manuel, cun l’aiüt de na scuadra de spangleri y idraulics.

Nosta priorité é l’efiziënza energetica dles strotöres y di implanc istalá. I sun ince a desposiziun por prestaziuns secondares mo nia por chël manco importantes sciöche i APE (Atestat de Prestaziun Energetica), i zertificac G por la cumpra/la venüda/l’afit de locai y la consulënza por les alisiraziuns fiscales te caji de ressanamënt y istalaziun de implanc nüs, dilan al’esperiënza de na porsona spezialisada te nosc team. I se fistidiun ince dla consulënza por proiec de Ciases Clima (y dla direziun di laurs) y por le ressanamënt energetich de fabricac cun o zënza bonus de cubatöra.
Li deplü...

Contat

Contat
Zona Artejanala Gran Pré 4 39030 - Al Plan de Mareo (BZ)